സ്വർണ വിലയിൽ നേരിയ വർധനവ്

120 രൂപ കൂടി കേരളത്തിൽ ഒരു പവൻ സ്വർണത്തിന് 39440 രൂപയായി

എറണാകുളം: സ്വർണ വിലയിൽ ഇന്ന് നേരിയ വർധനവ്. പവന് 120 രൂപയുടെ വർധനവാണ് ഉണ്ടായത്. ഇതോടെ ഒരു ഗ്രാമിന് 4930 രൂപയും ഒരു പവൻ സ്വർണ വില 39440 രൂപയുമായി.

കഴിഞ്ഞ വാരം തുടർച്ചയായി മൂന്ന് ദിവസം വില വർധിച്ചിരുന്നു. വാരാന്ത്യത്തിൽ മാറ്റമില്ലാതിരുന്ന വില ഈ ആഴ്‌ചയുടെ ആദ്യ ദിവസവും കൂടിയിരുന്നു. കഴിഞ്ഞ ചൊവ്വാഴ്‌ച മാറ്റമില്ലാതെ തുടർന്ന ശേഷമാണ് ബുധനാഴ്‌ച ഒരു പവന് 560 രൂപയുടെ കുറവുണ്ടായത്.

പ്രതികൂലമായ ആഗോള സാഹചര്യത്തെ തുടർന്നായിരുന്നു സ്വർണ വില കുതിച്ച് ഉയർന്നത്. ഓഹരി വിപണികളിൽ ഉൾപ്പടെ വലിയ വിലയിടിവ് അനുഭവപ്പെട്ടതോടെ സുരക്ഷിത നിക്ഷേപമായി നിക്ഷേപകർ സ്വർണ്ണം തെരെഞ്ഞെടുത്തോടെയാണ് വില ഉയർന്നത്. നിലവിലെ സാഹചര്യത്തിൽ സ്വർണ വിപണയിൽ വിലയുടെ കാര്യത്തിൽ ചാഞ്ചാട്ടം തുടരാനാണ് സാധ്യത.