കൊച്ചി: സംസ്ഥാനത്ത് ഒരു ദിവസത്തെ ഇടവേളയ്ക്ക് ശേഷം സ്വര്‍ണവിലയില്‍ കുതിപ്പ് തുടരുന്നു. ഇന്ന് പവന് 800 രൂപയാണ് കൂടിയത്. പവന് 37,440 രൂപയായി. ഒരു ഗ്രാം സ്വര്‍ണത്തിന് 4,680രൂപയാണ്. ഇത്രയും വില വര്‍ധന രണ്ട് വര്‍ഷത്തിനിടെ ആദ്യമാണ്.
റഷ്യ - യുക്രൈന്‍ യുദ്ധ സാധ്യതയുടെ പശ്ചാത്തലത്തില്‍ അന്താരാഷ്ട്ര വിപണിയിലുണ്ടായ വിലവര്‍ധനയാണ്, കേരളത്തിലെ സ്വര്‍ണ വിലയിലും പ്രതിഫലിക്കുന്നത്. തുടരെ നാല് ദിവസമുണ്ടായ വിലവര്‍ധനവിന് ശേഷം ഇന്നലെ വില വര്‍ധനവുണ്ടായിരുന്നില്ല.