മുൻ മിസ് കേരള അന്‍സി കബീറും റണ്ണറപ്പ് അഞ്ജനയും കാറപകടത്തിൽ മരിച്ചു

നിയന്ത്രണം വിട്ട കാർ ഡിവൈഡറിലെ മരത്തിൽ ഇടിച്ച് പൂർണമായും തകർന്നു. സംഭവ സ്ഥലത്തു വച്ചു തന്നെ ഇരുവരും മരിച്ചു. നാലുപേരാണ് വാഹനത്തിലുണ്ടായിരുന്നത്. ഒപ്പമുണ്ടായിരുന്ന രണ്ടുപേരിൽ ഒരാളുടെ നില ഗുരുതരമാണ്.

എറണാകുളം :മുൻ മിസ് കേരളയും റണ്ണറപ്പും കൊച്ചിയിൽ വാഹനപകടത്തിൽ മരിച്ചു. തിരുവനന്തപുരം സ്വദേശിയും 2019ലെ മിസ് കേരളയുമായ അൻസി കബീർ, റണ്ണറപ്പ് തൃശ്ശൂർ സ്വദേശി അഞ്ജന ഷാജൻ എന്നിവരാണ് മരിച്ചത്.

പുലർച്ചെ ഒരു മണിയോടെ വൈറ്റിലയിൽവച്ചാണ് അപകടം. ഇവർ സഞ്ചരിച്ച കാർ ഒരു ബൈക്കില്‍ ഇടിക്കാതിരിക്കാന്‍ വെട്ടിച്ചപ്പോള്‍ നിയന്ത്രണം വിട്ട് മരത്തിലിടിച്ച് മറിയുകയായിരുന്നു.

ഇടിയുടെ ആഘാതത്തില്‍ കാര്‍ പൂർണമായും തകർന്നു. സംഭവസ്ഥലത്തുവച്ചുതന്നെ ഇരുവരും മരിച്ചു. നാലുപേരാണ് വാഹനത്തിലുണ്ടായിരുന്നത്. ഒപ്പമുണ്ടായിരുന്ന രണ്ടുപേരിൽ ഒരാളുടെ നില ഗുരുതരമാണ്.

ഇരുവരും കൊച്ചിയിലെ സ്വകാര്യ ആശുപത്രിയില്‍ ചികിത്സയിലാണ്. മരിച്ച രണ്ടുപേരുടെയും മൃതദേഹങ്ങളും ഇതേ ആശുപത്രിയിലേക്കാണ് മാറ്റിയത്.