എറണാകുളം: കളമശ്ശേരി മെഡിക്കൽ കോളജ് അധികാരികളുടെ അനാസ്ഥ ചൂണ്ടികാണിച്ച ഡോ.നജ്‌മ സലീം ഡ്യൂട്ടിയിൽ പ്രവേശിച്ചു. ഐക്യദാർഢ്യം പ്രഖ്യാപിച്ചും അഭിവാദ്യങ്ങൾ അർപ്പിച്ചുകൊണ്ടും യൂത്ത്കോൺഗ്രസ് പ്രവർത്തകർ നജ്‌മയെ മെഡിക്കൽ കോളജ് കവടത്തിൽ വരവേറ്റു.
കൊവിഡ് രോഗി മരിച്ച സംഭവം ജീവനക്കാരുടെ അനാസ്ഥയാണെന്ന യാഥാർഥ്യം തുറന്നു പറഞ്ഞ ഡോ.നജ്‌മ സലീമിനെ സംരക്ഷിക്കാൻ സർക്കാർ തയ്യാറാകണമെന്നും നജ്‌മയെ രാഷ്ട്രീയക്കാരിയാക്കാനുള്ള നീക്കത്തിൽ നിന്നു പിന്മാറണമെന്നും യൂത്ത് കോൺഗ്രസ് ആവശ്യപ്പെട്ടു. എന്നാൽ ഈ വിഷയം രാഷ്ട്രീയവൽക്കരിക്കരുതെന്നും എല്ലാവരും ഒറ്റക്കെട്ടായി നീതിക്ക് വേണ്ടി പൊരുതുകയാണ് ചെയ്യേണ്ടതെന്നും ഡോ.നജ്‌മ പറഞ്ഞു.