ദേവികുളത്തെ എൻ.ഡി.എ സ്ഥാനാർഥിയും ഹൈക്കോടതിയെ സമീപിച്ചു

തലശ്ശേരി, ഗുരുവായൂർ മണ്ഡലങ്ങളിലെ സ്ഥാനാർഥികളും ഹൈക്കോടതിയെ സമീപിച്ചിരുന്നു

എറണാകുളം: നാമനിർദേശ പത്രിക തള്ളിയതിനെ തുടർന്ന് ദേവികുളത്തെ എൻ.ഡി.എ സ്ഥാനാർഥി ആർ.എം ധനലക്ഷ്മിയും ഹൈക്കോടതിയെ സമീപിച്ചു. ഫോം 26 കൃത്യമായി പൂരിപ്പിച്ചില്ലെന്നതായിരുന്നു പത്രിക തള്ളാന്‍ കാരണം. എൻ.ഡി.എയ്ക്ക് വേണ്ടി എഐഡിഎംകെയാണ് ധനലക്ഷ്മിയെ സ്ഥാനാർഥിയാക്കിയിരുന്നത്. തലശ്ശേരി, ഗുരുവായൂർ മണ്ഡലങ്ങളിലെ സ്ഥാനാർഥികൾ നാമനിർദ്ദേശ പത്രിക തള്ളിയതിനെതിരെ നൽകിയ ഹർജി ഇന്നലെ ഹൈക്കോടതി പരിഗണിച്ചിരുന്നു. ഈ ഹർജികളിൽ കോടതി ഇന്ന് കൂടുതൽ വാദം കേൾക്കും.