എറണാകുളം:കൊവിഡ് പ്രതിരോധത്തില്‍ പഞ്ചായത്തിന്‍റെ ഭാഗത്ത് നിന്നും കാര്യക്ഷമമായ പ്രവര്‍ത്തനങ്ങള്‍ നടക്കുന്നില്ലെന്ന് ചൂണ്ടിക്കാട്ടി പിപിഇ കിറ്റ് ധരിച്ച് ഒറ്റയാൾ സമരവുമായി പൊതുപ്രവർത്തകനായ മനോജ് മനയ്‌ക്കേക്കര. കുന്നത്തുകാട് പഞ്ചായത്ത് കാര്യാലയത്തിന് മുന്‍പിലാണ് പ്രതിഷേധം നടത്തുന്നത്.
Also Read:സിഎഫ്എൽടിസി തുടങ്ങിയില്ല ; കുന്നത്തുനാട്ടില്‍ യൂത്ത് കോണ്‍ഗ്രസ് പ്രതിഷേധം
പഞ്ചായത്ത് പരിധിയില്‍ കൊവിഡ് രോഗികൾ വർദ്ധിച്ച് വരുന്ന സാഹചര്യത്തിൽ കോവിഡ് പരിചരണ സംവിധാനങ്ങൾ ഒരുക്കുന്നില്ലെന്നാണ് മനോജിന്‍റെ പരാതി. പ്രതിപക്ഷ അംഗങ്ങളും പൊതുപ്രവർത്തകരും ചേർന്ന് എഫ്എല്‍ടിസി സംവിധാനങ്ങൾ ഒരുക്കണമെന്നാവശ്യപ്പെട്ടിരുന്നു. എന്നാല്‍ ഭരണസമിതി അത് അംഗീകരിക്കാൻ തയ്യാറാകുന്നില്ലെന്നും വിഷയത്തിൽ മനുഷ്യാവകാശ കമ്മീഷൻ അടിയന്തിരമായി ഇടപെടണമെന്നും ചൂണ്ടിക്കാട്ടിയാണ് മനോജ് ഒറ്റയാൾ സമരം നടത്തിയത്.