കാക്കനാട് ജില്ല ജയിലിൽ 180ല്‍ 60 പേരും കൊവിഡ് ബാധിതര്‍!

കൊവിഡ് ബാധിതരെ ഒറ്റ ബ്ലോക്കിലേക്ക് മാറ്റി. മറ്റുള്ളവരെ നിരീക്ഷണത്തിലാക്കി

എറണാകുളം: കാക്കനാട് ജില്ല ജയിലിൽ കൊവിഡ് വ്യാപനം രൂക്ഷം. ആകെയുള്ള 180 തടവുകാരിൽ അറുപത് പേർക്കാണ് കൊവിഡ് സ്ഥിരീകരിച്ചിരിക്കുന്നത്. ഇവരെ ജയിലിൽ തന്നെ ഒരു ബ്ലോക്കിൽ നിരീക്ഷണത്തിലാക്കി. ഇവരിൽ കൂടുതൽ രോഗലക്ഷണമുള്ള മൂന്ന് പേരെ പറവൂർ ഫസ്‌റ്റ് ലൈൻ ട്രീറ്റ്‌മെന്‍റ് സെന്‍ററിലേക്ക് മാറ്റി. ജില്ല ജയിലിലെ 65 ജീവനക്കാരിൽ രണ്ട് പേർക്കും രോഗം സ്ഥിരീകരിച്ചിട്ടുണ്ട്. അതേസമയം രോഗബാധ നേരിടാനുള്ള എല്ലാ മുൻകരുതലും സ്വീകരിച്ചതായി ജയിൽ അധികൃതർ അറിയിച്ചു.