എറണാകുളം:സിറോ മലബാർ സഭാ ആർച്ച് ബിഷപ്പ് കർദിനാൾ ജോർജ് ആലഞ്ചേരിയുടെ കോലം കത്തിച്ച് വിശ്വാസികളുടെ പ്രതിഷേധം. കുർബാന ഏകീകരണത്തിനെതിരെ എറണാകുളം അങ്കമാലി അതിരൂപതയിലെ വിശ്വാസികളില്‍ ഒരു വിഭാഗമാണ് പ്രതിഷേധം ശക്തമാക്കിയത്. അൽമായ മുന്നേറ്റം അതിരൂപത സമിതിയുടെ ആഭിമുഖ്യത്തിലായിരുന്നു പ്രതിഷേധം.
അതിരൂപതയിൽ ജനാഭിമുഖ കുർബാനയല്ലാതെ മറ്റൊരു രീതിയും അടിച്ചേൽപ്പിക്കാൻ ആരെയും അനുവദിക്കില്ലന്ന് അൽമായ മുന്നേറ്റം പ്രഖാപിച്ചു. എറണാകുളം അതിരൂപതയുടെ സാംസ്‌കാരിക പൈതൃകത്തിനെതിരെ നിലപാടെടുക്കുന്ന വൈദികരെ അതിരൂപതയുടെ മുഴുവൻ ചുമതലകളിൽ നിന്നും മാറ്റി നിർത്തണമെന്നും സമിതി ആവശ്യപ്പെട്ടു.
കുർബാന ഏകീകരണം: കർദിനാൾ ആലഞ്ചേരിയുടെയും സാന്ദ്രിയുടെയും കോലം കത്തിച്ച് വിശ്വാസികൾ