എറണാകുളം: നിയമസഭ തെരഞ്ഞെടുപ്പില്‍ ബത്തേരിയിൽ സ്ഥാനാർഥിയാകാൻ പണം വാങ്ങിയെന്ന കേസ് രാഷ്‌ട്രീയ പ്രേരിതമെന്ന് സി.കെ ജാനു. തെരഞ്ഞെടുപ്പ് കോഴക്കേസിൽ കാക്കനാട് ചിത്രാഞ്ജലി സ്റ്റുഡിയോയിൽ ശബ്‌ദ സാമ്പിൾ നൽകിയ ശേഷം മാധ്യമങ്ങളോട് പ്രതികരിക്കുകയായിരുന്നു അവർ.
തെരഞ്ഞെടുപ്പ് കോഴ; കേസ് രാഷ്‌ട്രീയ പ്രേരിതമെന്ന് സി.കെ ജാനു, ശബ്‌ദ സാമ്പിൾ ശേഖരിച്ചു
ശബ്‌ദരേഖയുൾപ്പെടെ എന്ത് രേഖ നൽകാനും തയാറാണെന്നും ഏത് അന്വേഷണവുമായും സഹകരിക്കുമെന്നും ജാനു മാധ്യമങ്ങളോട് പറഞ്ഞു. താൻ നടത്തിയ ഫോൺ സംഭാഷണമാണ് എഴുതി വായിപ്പിച്ചത്. ഇതിൽ താൻ സംസാരിച്ചതും അല്ലാത്തതുമായ കാര്യങ്ങൾ ഉണ്ട്. സംഘടന കാര്യങ്ങൾ, സെക്രട്ടറിയെ മാറ്റുന്നത് സംബന്ധിച്ച കാര്യങ്ങൾ എന്നിവയാണ് ഫോണിൽ സംസാരിച്ചതെന്നും സി.കെ ജാനു പറഞ്ഞു.