എറണാകുളം: മദ്യപിച്ചെത്തി യുവതിയേയും കുഞ്ഞിനെയുമടക്കം നിര്‍ത്തിയിട്ട കാര്‍ തട്ടിയെടുത്ത സംഭവത്തില്‍ ഒരാള്‍ അറസ്റ്റില്‍. ചോറ്റാനിക്കര സ്വദേശി ആഷ്ലിയാണ്(54) അറസ്റ്റിലായത്. വ്യാഴാഴ്‌ച(11.08.2022) രാത്രി പത്തേമുക്കാലിനാണ് സംഭവം. ചോറ്റാനിക്കരയിലെ ബാറിന് സമീപമുള്ള ഹോട്ടലിനടുത്ത് നിര്‍ത്തിയിട്ട കാറാണ് ഇയാള്‍ തട്ടിയെടുത്തത്.
ഭാര്യയേയും രണ്ടര വയസുള്ള കുഞ്ഞിനെയും കാറിലിരുത്തി ഭര്‍ത്താവ് ഹോട്ടലിലേക്ക് ഭക്ഷണം വാങ്ങാന്‍ പോയ സമയത്താണ് ഇയാള്‍ കാറുമായി കടന്ന് കളഞ്ഞത്. ഇയാള്‍ കാറില്‍ കയറിയതോടെ യുവതി നിലവിളിച്ചു. എന്നാല്‍ അമിത വേഗത്തില്‍ കാറോടിച്ച ഇയാള്‍ റോഡരികില്‍ നിന്നയാളെ ഇടിച്ച് തെറിപ്പിച്ചു.