നടിയെ ആക്രമിച്ച കേസ്: മൂന്നാം പ്രതി മണികണ്ഠന് ജാമ്യം

2017 മുതൽ റിമാൻഡിലായ പ്രതിയ്‌ക്കാണ് ഹൈക്കോടതി ജാമ്യം അനുവദിച്ചത്.

എറണാകുളം:നടിയെ ആക്രമിച്ച കേസില്‍ മൂന്നാം പ്രതി മണികണ്ഠന് ഹൈക്കോടതി ജാമ്യം അനുവദിച്ചു. 2017 മുതൽ ഇയാൾ റിമാൻഡിലാണ്. പലതവണ മണികണ്ഠന്‍ ഉൾപ്പെടെ റിമാൻഡിലുള്ള പ്രതികളുടെ ജാമ്യാപേക്ഷകൾ വിചാരണ കോടതി നിരസിച്ചിരുന്നു.

വിചാരണ നീണ്ടുപോകുന്ന സാഹചര്യത്തിലാണ് കോടതി ജാമ്യം അനുവദിച്ചത്. കേസിൽ ഒന്നാം പ്രതി പൾസർ സുനി അടക്കം മൂന്ന് പ്രതികളാണ് ഇപ്പോൾ റിമാൻഡിലുള്ളത്. മറ്റു പ്രതികൾക്ക് ജാമ്യം ലഭിച്ചിരുന്നു.

2017 ൽ നടി ആക്രമിക്കപ്പെട്ട സംഭവത്തിന് തൊട്ടുപിന്നാലെ മണികണ്ഠൻ അടക്കമുള്ളവര്‍ പിടിയിലായിരുന്നു.