എറണാകുളം :നടിയെ ആക്രമിച്ച കേസിൽ ദിലീപിന്റെ സുഹൃത്തും വധ ഗൂഢാലോചന കേസിൽ പ്രതിയുമായ ശരത്തിനെ ക്രൈംബ്രാഞ്ച് അറസ്റ്റ് ചെയ്തു. തുടരന്വേഷണത്തിന്റെ ഭാഗമായാണ് തെളിവ് നശിപ്പിച്ചുവെന്ന് കാണിച്ച് അറസ്റ്റ്.
നടിയെ ആക്രമിച്ച് പകർത്തിയ ദൃശ്യങ്ങൾ ദിലീപിനെത്തിച്ചുനൽകിയത് ശരത്താണെന്ന് സാക്ഷിമൊഴി ലഭിച്ചിരുന്നു. നടിയെ ആക്രമിച്ച കേസിൽ തുടരന്വേഷണത്തിലേക്ക് നയിച്ച ബാലചന്ദ്രകുമാർ ഈ കേസിൽ ഒരു വി.ഐ.പി.യുണ്ടെന്ന് വെളിപ്പെടുത്തിയിരുന്നു. അന്വേഷണത്തിനൊടുവിൽ വി.ഐ.പി ശരത്താണെന്ന് ക്രൈംബ്രാഞ്ച് സ്ഥിരീകരിച്ചിരുന്നു.