എറണാകുളം: ചേരാനെല്ലൂരില്‍ വാഹനാപകടത്തില്‍ ഒരു മരണം. സിഗ്നല്‍ തെറ്റിച്ചെത്തിയ കണ്ടെയ്നര്‍ ലോറി ബൈക്കിലിടിക്കുകയായിരുന്നു. ബൈക്ക് യാത്രികന്‍ നോര്‍ത്ത് പറവൂര്‍ സ്വദേശി അമലാണ് മരിച്ചത്. ലോറി ഡ്രൈവറുടെ അശ്രദ്ധയാണ് അപകടകാരണമെന്ന് സി.സി.ടി.വി ദൃശ്യങ്ങളില്‍ നിന്ന് വ്യക്തമാണ്. ശനിയാഴ്ച ഉച്ചയ്ക്ക് രണ്ടരയോടെയാണ് അപകടം. ചേരാനെല്ലൂര്‍ സിഗ്നൽ കടന്ന് കളമശേരിയില്‍ നിന്ന് വല്ലാര്‍പ്പാടത്തേക്ക് പോവുകയായിരുന്ന കണ്ടെയ്നര്‍ ലോറി പറവൂരില്‍ നിന്നും ഇടപ്പളളിയിലേക്ക് പോവുകയായിരുന്ന ബൈക്കിലാണിടിച്ചത്.
ചേരാനെല്ലൂരില്‍ വാഹനാപകടം; ഒരു മരണം