എറണാകുളം:കോതമംഗലം നിയോജക മണ്ഡലത്തിലെ 200 ഓളം ബിജെപി-യുവമോർച്ച പ്രവർത്തകരും നേതാക്കളും ലോക് താന്ത്രിക് ജനതാദളിൽ ചേർന്നു. ബിജെപി കവളങ്ങാട് പഞ്ചായത്ത് കമ്മറ്റി പ്രസിഡന്‍റ്‌ പി കെ സുബാഷ് , ജനറൽ സെക്രട്ടറി ബിജു തേങ്കോട്, യുവമോർച്ച മുൻ നിയോജക മണ്ഡലം കൺവീനർ ജനകൻ ഗോപിനാഥ്, യുവമോർച്ച ജനറൽ സെക്രട്ടറി ദിലീപ് പയ്യാരപിള്ളിൽ, ശിവൻ മാരമംഗലം, രാജു പരീക്കണ്ണി തുടങ്ങിയ നേതാക്കളുടെ നേതൃത്വത്തിലാണ് കൂട്ടരാജി. ബിജെപിയിലെ സംസ്ഥാന, ജില്ലാ, താലൂക്ക്‌ തലത്തിലെ കടുത്ത ഗ്രൂപ്പിസത്തിലും സവർണ്ണമേധാവിത്വത്തിലും പ്രതിഷേധിച്ചാണ് രാജി.
കോതമംഗലത്ത് 200 ബിജെപി പ്രവർത്തകർ എല്‍ജെഡിയിലേക്ക്