തിരുവനന്തപുരം: പരിസ്ഥിതി ദിനത്തിൽ സ്വകാര്യ വാഹനങ്ങളുടെ ഉപയോഗം ഒഴിവാക്കണമെന്ന ആഹ്വാനവുമായി തിരുവനന്തപുരം നഗരസഭ. പരിസ്ഥിതി വാരാചരണത്തിന്റെ ഭാഗമായി ജൂൺ അഞ്ചിന് തിരുവനന്തപുരം മേയർ വി കെ പ്രശാന്തും കൗൺസിലർമാരും ജീവനക്കാരും ഔദ്യോഗിക - സ്വകാര്യ വാഹനങ്ങൾ ഒഴിവാക്കും. 'ബീറ്റ് എയർ പൊല്യൂഷൻ' എന്നതാണ് ഇത്തവണത്തെ പരിസ്ഥിതി വാരാചരണ സന്ദേശം. ഇതുമായി ബന്ധപ്പെട്ട് ജൂൺ അഞ്ച് മുതൽ 11 വരെ വിവിധ പദ്ധതികളാണ് നഗരസഭ ആസൂത്രണം ചെയ്തിരിക്കുന്നത്. ജൂൺ അഞ്ചിന് പൊതുഗതാഗത നിയന്ത്രണം ഏര്‍പ്പെടുത്തും. ചെറിയ ദൂരങ്ങൾ സഞ്ചരിക്കാൻ സൈക്കിളുകള്‍ പ്രയോജനപ്പെടുത്തുമെന്ന് മേയർ വി കെ പ്രശാന്ത് പറഞ്ഞു.
പരിസ്ഥിതിദിനത്തില്‍ സ്വകാര്യ വാഹനം ഒഴിവാക്കണമെന്ന് തിരുവനന്തപുരം നഗരസഭ