തിരുവനന്തപുരം: സംസ്ഥാനത്ത് തെക്ക് പടിഞ്ഞാറൻ കാലവർഷം എത്താൻ വൈകും. ശനിയാഴ്ചയെ മഴ എത്തുകയുള്ളുവെന്ന് കാലവസ്ഥ നിരീക്ഷണ കേന്ദ്രം അറിയിച്ചു. സംസ്ഥാനത്ത് നാളെ കാലവർഷം എത്തുമെന്നായിരുന്നു നേരത്തെ പറഞ്ഞിരുന്നത്. കാലവർഷം ശ്രീലങ്കയുടെ തെക്കൻ ഭാഗത്ത് എത്തിയിട്ട് മൂന്ന് ദിവസമായി. സാധാരണ രണ്ടു ദിവസത്തിനകം എത്തേണ്ട കാലവർഷം അറബിക്കടലിന് പടിഞ്ഞാറ് ഭാഗത്തുണ്ടായ ന്യൂനമർദ്ദത്തെ തുടർന്നാണ് വൈകുന്നതെന്നാണ് വിലയിരുത്തൽ.
സംസ്ഥാനത്ത് കാലവർഷം വൈകും