തിരുവനന്തപുരം: സംസ്ഥാന സർക്കാരിന്‍റെ വൈദ്യുതി നിരക്ക് വർധനയിൽ ബുദ്ധിമുട്ടിലായി സാധാരണക്കാർ. ഗാർഹിക ആവശ്യത്തിനുള്ള വൈദ്യുതി നിരക്ക് 11.4 ശതമാനമാണ് വർധിച്ചത്. ഇതിനു പുറമേ ഫിക്‌സഡ് ചാർജ് കൂടിയാകുന്നതോടെ കീശ കാലിയാകുമെന്ന ആശങ്കയിലാണ് വൈദ്യുതി ഉപയോക്താക്കൾ. റഗുലേറ്ററി കമ്മിഷന്‍റെ തീരുമാനമനുസരിച്ച് വീട്ടാവശ്യത്തിനുള്ള വൈദ്യുതി നിരക്കിൽ യൂണിറ്റിന് 25 മുതൽ 40 പൈസ വരെയാണ് വർധനവ് ഉണ്ടായത്. 50 യൂണിറ്റ് വരെ ഉപയോഗിക്കുന്നവർക്ക് യൂണിറ്റിന് പുതിയ നിരക്കനുസരിച്ച് 3 രൂപ 15 പൈസ നൽകേണ്ടി വരും. ഇതിനു പുറമേ ഫിക്‌സഡ് ചാർജ് ഇനത്തിൽ 5 രൂപ മുതൽ 70 രൂപ വരെയും വർധനവുണ്ട്.
വൈദ്യുതി നിരക്ക് വര്‍ധനവ്, പ്രതികരണവുമായി പൊതുജനം