തിരുവനന്തപുരം: പതിനാലാം നിയമസഭയുടെ സമ്പൂര്‍ണ്ണ ബജറ്റ് സമ്മേളനത്തില്‍ കെ എം മാണിക്ക് ചരമോപചാരം അര്‍പ്പിച്ച് ആദ്യ ദിനം പിരിഞ്ഞു.
കെഎം മാണിയുടെ റെക്കോര്‍ഡുകള്‍ ഒരു ഘട്ടത്തിലും ആര്‍ക്കും തകര്‍ക്കാന്‍ കഴിയുന്നതല്ല. തലമുറകള്‍ പലതു മാറിവന്നപ്പോഴും മാണി നിയമസഭയില്‍ ഉണ്ടായിരുന്നുവെന്ന് മുഖ്യമന്ത്രി പിണറായി വിജയന്‍ അനുസ്മരിച്ചു.
ഏതു കൊടുങ്കാറ്റിലും അക്ഷോഭ്യനായി നിൽക്കാനുള്ള മനോബലം മാണിക്കുണ്ടായിരുന്നുവെന്ന് പ്രതിപക്ഷ നേതാവ് രമേശ് ചെന്നിത്തല അഭിപ്രായപ്പെട്ടു. മാണിയോടുള്ള ആദര സൂചകമായി കാരുണ്യ പദ്ധതി പുനരാരംഭിക്കണമെന്നും ചെന്നിത്തല സമ്മേളനത്തില്‍ ആവശ്യപ്പെട്ടു.
പകരം വെക്കാനാകാത്ത സാമാജികനായിരുന്നു കെഎം മാണി. നിയമസഭ എന്നും അദ്ദേഹത്തിന് ഒരു പാഠശാല ആയിരുന്നുയെന്നും ചരമോപചാരം അര്‍പ്പിച്ചുകൊണ്ട് സ്പീക്കര്‍ ശ്രീരാമകൃഷ്ണന്‍ പറഞ്ഞു.