തിരുവനന്തപുരം: കൊല്ലം ജില്ലയിൽ ഉൽപ്പാദിപ്പിക്കുന്ന നെല്ല് പ്രത്യേക ബ്രാൻഡ് അരിയായി വിപണിയിലെത്തിക്കുമെന്ന് കൃഷി മന്ത്രി വിഎസ് സുനിൽകുമാർ. കൊട്ടാരക്കര എംഎൽഎ ഐഷാ പോറ്റിയുടെ സബ്മിഷന് നിയമസഭയിൽ മറുപടി പറയുകയായിരുന്നു മന്ത്രി. കൊട്ടാരക്കരയിൽ പുതിയ റൈസ് മിൽ സ്ഥാപിക്കുന്നത് സംബന്ധിച്ചാണ് ഐഷാ പോറ്റി സബ്മിഷൻ ഉന്നയിച്ചത്. കൃഷിവകുപ്പിന്‍റെ ഏക്കർകണക്കിന് സ്ഥലം പ്രദേശത്ത് ഉണ്ടെന്നും ഇവിടെ മില്ലും ഗോഡൗണും നിർമ്മിക്കണമെന്നും അയിഷാ പോറ്റി ആവശ്യപ്പെട്ടു.
പ്രത്യേക ബ്രാൻഡിൽ അരി വിപണിയിലെത്തിക്കുമെന്ന് കൃഷി മന്ത്രി
പുതിയ റൈസ് മിൽ സ്ഥാപിക്കുന്നതിന് പ്രദേശത്ത് അനുയോജ്യമായ സ്ഥലം ലഭിക്കുമോ എന്ന കാര്യം പരിശോധിക്കുമെന്ന് മന്ത്രി വിഎസ് സുനിൽകുമാർ.
നിയമസഭാ
പുതിയ റൈസ് മിൽ സ്ഥാപിക്കുന്നതിന് പ്രദേശത്ത് അനുയോജ്യമായ സ്ഥലം ലഭിക്കുമോ എന്ന കാര്യം പരിശോധിക്കും. ഒരുകോടി 16 ലക്ഷത്തിലധികം രൂപ ജില്ലയിൽ പ്ലാന്‍റ് സ്ഥാപിക്കാൻ അനുവദിച്ചിട്ടുണ്ടെന്നും കേന്ദ്രാവിഷ്കൃത പദ്ധതിയിൽ സമർപ്പിക്കുന്നതിന് കൃഷി വകുപ്പ് ഡയറക്ടർക്ക് നിർദേശം നൽകിയതായും മന്ത്രി അറിയിച്ചു.