പൊലീസ് കൊല്ലുമെന്ന് ഭീഷണിപ്പെടുത്തിയതായി ആദിത്യന്‍
കര്‍ദിനാള്‍ മാര്‍ ജോര്‍ജ് ആലഞ്ചേരിക്കെതിരെ വ്യാജരേഖ ചമച്ച കേസില്‍ വാദം നടക്കവെയാണ് കസ്റ്റഡിയിലെടുത്ത പ്രതിയുടെ വെളിപ്പെടുത്തല്‍
വ്യാജ ബാങ്ക് രേഖക്കേസില്‍ വാദം തുടരുമെന്നറിയിച്ച് കോടതി
കൊച്ചി: കര്‍ദിനാള്‍ മാര്‍ ജോര്‍ജ് ആലഞ്ചേരിക്കെതിരേ വ്യാജ ബാങ്ക് രേഖ ചമച്ച കേസില്‍ പൊലീസ് കസ്റ്റഡിയിലെടുത്ത തന്നെ ക്രൂരമായി മര്‍ദ്ദിച്ചുവെന്ന് ആദിത്യന്‍ കോടതിയില്‍ മൊഴി നല്‍കി. തിരിച്ചു ചെന്നാല്‍ തന്നെ കൊന്നു കളയുമെന്ന് പൊലീസുകാര്‍ പറഞ്ഞുവെന്നും ആദിത്യന്‍റെ അഭിഭാഷകന്‍ കോടതിയെ അറിയിച്ചു. കാക്കനാട് ഫസ്റ്റ്ക്ളാസ്സ് മജിസ്ട്രേറ്റ് കോടതിയിലാണ് വാദം നടക്കുന്നത്. ആദിത്യനെ മൂന്ന് ദിവസം കൂടി കസ്റ്റഡിയില്‍ ആവശ്യപ്പെട്ട് പൊലീസ് നല്‍കിയ അപേക്ഷ കോടതിയുടെ പരിഗണനയിലാണ്. ആദിത്യനെ മര്‍ദ്ദിച്ചാണ് പൊലീസ് മൊഴി രേഖപ്പെടുത്തിയതെന്ന് നേരത്തെ ആരോപണം ഉയര്‍ന്നിരുന്നു. അതിനെ സ്ഥിരീകരിക്കുന്ന വിവരങ്ങളാണ് ഇപ്പോള്‍ പുറത്ത് വന്നിരിക്കുന്നത്.