മുന്‍ പഞ്ചായത്ത് പ്രസിഡന്‍റിനും വില്ലേജ് എക്സ്റ്റന്‍ഷന്‍ ഓഫീസര്‍ക്കുമെതിരെ വിജിലന്‍സ് കേസ്
ആലപ്പുഴ പള്ളിപ്പാട് മുന്‍ പഞ്ചായത്ത് പ്രസിഡന്‍റ് കീച്ചേരി ശ്രീകുമാര്‍, മുന്‍ വില്ലേജ് എക്സ്റ്റന്‍ഷന്‍ ഓഫീസര്‍ പി.രാജന്‍ തുടങ്ങിയവര്‍ക്കെതിരെയാണ് വിജിലന്‍സ് കേസെടുത്തത്.
മുന്‍ പഞ്ചായത്ത് പ്രസിഡന്‍റിനും വില്ലേജ് എക്സ്റ്റന്‍ഷന്‍ ഓഫീസര്‍ക്കുമെതിരെ വിജിലന്‍സ് കേസ്
ആലപ്പുഴ: പള്ളിപ്പാട് ഗ്രാമപഞ്ചായത്തിലെ അഗതി-ആശ്രയ പദ്ധതിയില്‍ അഴിമതി നടത്തിയെന്നാരോപിച്ച് മുന്‍ പഞ്ചായത്ത് പ്രസിഡന്‍റിനും വില്ലേജ് എക്സ്റ്റന്‍ഷന്‍ ഓഫീസര്‍ക്കുമെതിരെ വിജിലന്‍സ് കേസ്. മുന്‍ പഞ്ചായത്ത് പ്രസിഡന്‍റ് കീച്ചേരി ശ്രീകുമാര്‍, മുന്‍ വില്ലേജ് എക്സ്റ്റന്‍ഷന്‍ ഓഫീസര്‍ പി.രാജന്‍, ആധാരം എഴുത്തുകാരനായ സുഗുണാന്ദന്‍ എന്നിവര്‍ക്കെതിരെയാണ് വിജിലന്‍സ് കേസെടുത്തത്. അഗതി-ആശ്രയ പദ്ധതിപ്രകാരം ഗുണഭോക്താക്കള്‍ക്ക് വീട് വെക്കാനുള്ള സ്ഥലം ഏറ്റെടുത്തതുമായി ബന്ധപ്പെട്ട് 3.96 ലക്ഷം രൂപയുടെ നഷ്‌ടം വരുത്തിയെന്ന പ്രാഥമിക അന്വേഷണത്തിന്‍റെ അടിസ്ഥാനത്തിലാണ് അഴിമതി നിരോധന നിയമപ്രകാരം കേസെടുത്തതെന്ന് വിജിലന്‍സ് ഡിവൈഎസ്‌പി അറിയിച്ചു.