ആലപ്പുഴ: ജില്ലയുടെ തീരപ്രദേശങ്ങളില്‍ കടൽക്ഷോഭം രൂക്ഷം. ആറാട്ടുപുഴ, തൃക്കുന്നപ്പുഴ, അമ്പലപ്പുഴ, പുറക്കാട് തീരദേശ മേഖലകളില്‍ കടലാക്രമണത്തെ തുടര്‍ന്ന് അഞ്ച് വീടുകള്‍ പൂര്‍ണമായും തകര്‍ന്നു. ഇരുനൂറോളം വീടുകളില്‍ വെള്ളം കയറി. ആറാട്ടുപുഴ, മംഗലം, കുറിച്ചിക്കൽ മുതൽ ആറാട്ടുപുഴ, എകെജി നഗർ വരെയുള്ള തീരം ഭാഗീകമായി കടലെടുത്തു. പ്രദേശത്ത് കൂടെയുള്ള ഗതാഗതവും തടസപ്പെട്ടു. തിങ്കളാഴ്‌ച രാവിലെ മുതലാണ് കടലാക്രമണം രൂക്ഷമായത് . കൊവിഡ് കണ്ടെയിന്‍മെന്‍റ് സോണുകളായതിനാല്‍ ഇവിടെയുള്ളവര്‍ മറ്റൊരാളുടെ വീട്ടില്‍ അഭയം തേടുന്നത് രോഗവ്യാപനത്തിന് ഇടയാക്കിയേക്കും.
കൊവിഡ് കണ്ടെയിന്‍മെന്‍റ് സോണുകളായതിനാല്‍ കടലാക്രമണത്തെ തുടര്‍ന്ന് മറ്റൊരാളുടെ വീട്ടില്‍ അഭയം തേടാന്‍ പ്രദേശവാസികള്‍ക്ക് സാധിക്കില്ല