ആലപ്പുഴ : പുന്നപ്ര - വയലാർ വിപ്ലവത്തിന്‍റെ 75-ാം വാർഷിക വാരാചരണത്തിന് ആരംഭം. സിപിഎം നേതാവായ സി എച്ച് കണാരന്‍റെ 49-ാം ചരമവാർഷിക ദിനത്തിലാണ്‌ പുന്നപ്ര - വയലാർ രക്തസാക്ഷി വാരാചരണത്തിന് തുടക്കമാകുന്നത്‌. വലിയചുടുകാട്ടിലും പുന്നപ്ര രക്തസാക്ഷി നഗറിലും മാരാരിക്കുളം രക്തസാക്ഷിമണ്ഡപത്തിലും ചെങ്കൊടി ഉയര്‍ത്തിയാണ് പരിപാടികള്‍ക്ക് തുടക്കം കുറിച്ചത്.
വിവിധ രക്തസാക്ഷികളുടെ മണ്ഡപങ്ങളിൽ നിന്ന് കൊണ്ടുവന്ന രക്തപതാക വലിയ ചുടുകാട്ടിൽ വിപ്ലവ ഗായികയും പുന്നപ്ര വയലാർ സമരസേനാനിയുമായ പി കെ മേദിനി ഉയർത്തി. മാരാരിക്കുളം രക്തസാക്ഷി മണ്ഡപത്തിൽ സിപിഎം ജില്ല സെക്രട്ടറിയും വാരാചരണ കമ്മിറ്റി ചെയർമാനുമായ ആർ നാസർ പതാക ഉയർത്തി.
75ാമത് പുന്നപ്ര വയലാർ രക്തസാക്ഷി വരാചാരണത്തിന് ആരംഭം