ആലപ്പുഴ : ഊർജ ഉപയോഗം കുറയ്ക്കുക, പാരിസ്ഥിതിക ആഘാതം ലഘൂകരിക്കുക എന്നീ ലക്ഷ്യങ്ങളോടെ സംസ്ഥാന സർക്കാർ നടപ്പാക്കിയ 'നിലാവ്' പദ്ധതിയിൽ ജില്ലയിൽ ഒന്നാമതായി തണ്ണീർമുക്കം പഞ്ചായത്ത്. സംസ്ഥാനത്ത് ഫെബ്രുവരിയിൽ തുടക്കമിട്ട പദ്ധതി പഞ്ചായത്ത് 100 ശതമാനം പൂർത്തീകരിച്ചു.
നിലാവ് പദ്ധതി; ആലപ്പുഴ ജില്ലയിൽ ഒന്നാം സ്ഥാനം നേടി തണ്ണീർമുക്കം ഗ്രാമപഞ്ചായത്ത്
പദ്ധതിയുടെ ഭാഗമായി പഞ്ചായത്തിലെ പൊതുനിരത്തുകൾ ഗ്രാമപഞ്ചായത്തിന്‍റെ നേതൃത്വത്തിൽ പ്രകാശപൂരിതമാക്കി. ആദ്യ പാക്കേജിൽ ലഭിച്ച 500 എൽ.ഇ.ഡി. ലൈറ്റുകൾ പൂർണമായും സ്ഥാപിച്ചിട്ടുണ്ട്. ഇതുസംബന്ധിച്ച വിവരങ്ങൾ നിലാവ് പോർട്ടലിൽ പങ്കുവച്ചിട്ടുമുണ്ട്.