ആലപ്പുഴ: 2022ലെ നെഹ്‌റു ട്രോഫി വള്ളം കളിയുടെ പ്രാഥമിക ഒരുക്കങ്ങൾ ആരംഭിച്ചു. 2.4 കോടി രൂപയാണ് ഇത്തവണ നടത്തിപ്പിന് പ്രതീക്ഷിക്കുന്ന ചെലവ്. സംസ്ഥാന സര്‍ക്കാര്‍ നല്‍കുന്ന 1 കോടി രൂപയ്ക്ക് പുറമെ ആവശ്യമായി വരുന്ന തുക ടിക്കറ്റ് വില്‍പ്പന, സ്‌പോണ്‍സര്‍ ഷിപ്പ് തുടങ്ങിയവയിലൂടെ സമാഹരിക്കാന്‍ ഇന്ന് (ആഗസ്റ്റ് 5) ചേര്‍ന്ന ജനറല്‍ ബോഡി യോഗത്തില്‍ തീരുമാനമായി.
നെഹ്‌റു ട്രോഫി വള്ളംകളി ഒരുക്കങ്ങൾ തുടങ്ങി
വള്ളം കളിക്ക് വിപുലമായ ജനപങ്കാളിത്തം ഉറപ്പാക്കുന്നതിന് വേണ്ട നടപടികള്‍ സ്വീകരിക്കാനും യോഗത്തില്‍ ധാരണയായെന്ന് പി.പി. ചിത്തരഞ്ജന്‍ എം.എല്‍.എ പറഞ്ഞു. വള്ളം കളിയുടെ പ്രചാരണാര്‍ഥം പബ്ലിസിറ്റി കമ്മിറ്റിയുടെ നേതൃത്വത്തില്‍ വിവിധ മത്സരങ്ങള്‍ സംഘടിപ്പിക്കും. മുന്‍ വര്‍ഷങ്ങളിലേതുപോലെ നഗരസഭയുടെ നേതൃത്വത്തില്‍ സാംസ്‌കാരിക പരിപാടികള്‍ സംഘടിപ്പിക്കും.