ആലപ്പുഴ: ചെങ്ങന്നൂര്‍ മണ്ഡലത്തെ പൂര്‍ണമായും തരിശുരഹിതമാക്കുന്നതിനായി കൂടുതല്‍ തുക അനുവദിച്ചതായി കൃഷി വകുപ്പ് മന്ത്രി വി.എസ് സുനില്‍കുമാര്‍. പ്രളയം മൂലം തകര്‍ന്ന ചെങ്ങന്നൂരിലെ കാര്‍ഷിക മേഖലയുടെ സമഗ്ര വികസനം കണക്കിലെടുത്ത് തരിശുരഹിത ചെങ്ങന്നൂരിനായി 20 കോടി രൂപയാണ് സര്‍ക്കാര്‍ അനുവദിച്ചിരിക്കുന്നതെന്ന് അദ്ദേഹം പറഞ്ഞു. ചെങ്ങന്നൂര്‍ നിയോജകമണ്ഡലത്തിലെ ചെറിയനാട് ഗ്രാമപഞ്ചായത്തിലെ പൂമാട്ടി പുഞ്ചയിലെ നെല്‍കൃഷിയുടെ വിത്തുവിതയും ജലസേചന പദ്ധതിയുടെ ഉദ്ഘാടനവും നിര്‍വഹിച്ച് സംസാരിക്കുകയായിരുന്നു മന്ത്രി.
ചെങ്ങന്നൂര്‍ മണ്ഡലത്തെ തരിശുരഹിതമാക്കാൻ കൂടുതല്‍ സഹായം ലഭ്യമാക്കും: മന്ത്രി വി.എസ് സുനില്‍കുമാര്‍