വെള്ളാപ്പള്ളി നടേശനുമായി കൂടിക്കാഴ്ച നടത്തി മന്ത്രി പി പ്രസാദ്

വൈകുന്നേരത്തോടെ കണിച്ചുകുളങ്ങരയിലെത്തിയ മന്ത്രി അരമണിക്കൂറോളം ചിലവഴിച്ച ശേഷമാണ് മടങ്ങിയത്.

ആലപ്പുഴ: കൃഷി മന്ത്രി പി.പ്രസാദ് എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശനെ സന്ദർശിച്ചു. കണിച്ചുകുളങ്ങരയിലെ വെള്ളാപ്പള്ളിയുടെ വീട്ടിലാണ് ഇരുവരും കൂടിക്കാഴ്‌ച നടത്തിയത്. വൈകുന്നേരത്തോടെയെത്തിയ മന്ത്രി അരമണിക്കൂറോളം ചിലവഴിച്ച ശേഷമാണ് മടങ്ങിയത്.

മന്ത്രിയായി സത്യപ്രതിജ്ഞ ചെയ്ത ശേഷം ആദ്യമായി ചേർത്തലയിൽ എത്തിയതായിരുന്നു അദ്ദേഹം. സിപിഐ ജില്ല സെക്രട്ടറി ടി.ജെ ആഞ്ചലോസ്, വെള്ളാപ്പള്ളി നടേശന്‍റെ ഭാര്യ പ്രീതി നടേശൻ എന്നിവരും സന്നിഹിതരായിരുന്നു.