ആലപ്പുഴ : പതിനായിരം കോടി രൂപയുടെ വികസനമാണ് ജില്ലയില്‍ വിവിധ തലങ്ങളിലായി നടക്കുന്നതെന്ന് പൊതുമരാമത്ത്‌ രജിസ്ട്രേഷന്‍ വകുപ്പ് മന്ത്രി ജി.സുധാകരന്‍. സംസ്ഥാന ജലഗതാഗത വകുപ്പിന്‍റെ കോട്ടയം- ആലപ്പുഴ -കുമരകം പാസഞ്ചര്‍-കം-ടൂറിസ്റ്റ് സര്‍വ്വീസ് ബോട്ടിന്‍റെ ഉദ്ഘാടനം നിര്‍വഹിക്കുകയായിരുന്നു മന്ത്രി. ജല ഗതാഗത മേഖലയുടെ അടിസ്ഥാന വികസനത്തിന്‍റെ ഭാഗമായി കിഫ്ബി പദ്ധതിയിലൂടെ ആസ്ഥാന മന്ദിരം പണിയാനുള്ള പ്രാരംഭ നടപടികള്‍ ആരംഭിച്ചു. വിവിധ വകുപ്പുകളിലായി വികസന പ്രവര്‍ത്തനങ്ങള്‍ നടന്നു വരികയാണെന്നും കേന്ദ്രസഹായം ലഭിച്ചില്ലെങ്കിലും കുട്ടനാട് പാക്കേജ് നടപ്പാക്കുമെന്നും മാര്‍ച്ച് 24 ന് ഇതിന്‍റെ പ്രഖ്യാപനം മുഖ്യമന്ത്രി പിണറായി വിജയന്‍ നിര്‍വ്വഹിക്കുമെന്നും മന്ത്രി പറഞ്ഞു.
ജില്ലയില്‍ നടക്കുന്നത് 10,000 കോടി രൂപയുടെ വികസനം: മന്ത്രി ജി.സുധാകരന്‍