ആലപ്പുഴ: ലോക്ഡൗൺ പരിശോധനയുടെ ഭാഗമായി ജില്ല കലക്ടർ എ അലക്സാണ്ടറും പൊലീസ് മേധാവി ജി ജെയ്ദേവും ആലപ്പുഴ നഗരത്തിൽ സംയുക്ത പരിശോധന നടത്തി. കൊമ്മാടിയിലും നഗരത്തിലെ വിവിധ ഭാഗങ്ങളിലുമാണ് നിരീക്ഷണം നടത്തിയത്. പൊലീസിന്‍റെ നേതൃത്വത്തിലുള്ള വാഹന പരിശോധനയും സെക്‌ടറല്‍ മജിസ്ട്രേറ്റുമാരുടെ പ്രവർത്തനങ്ങളുമാണ് പരിശോധിച്ചത്. വാഹനപരിശോധന കർശനമാക്കുന്നതിന് ആവശ്യമായ പൊലീസ് സംവിധാനം ഏർപ്പെടുത്തിയിട്ടുണ്ടെന്ന് ജില്ല പോലീസ് മേധാവി അറിയിച്ചു.
Lock down In Alappuzha district
അനാവശ്യ യാത്രകൾ കണ്ടെത്തിയാൽ വാഹനം ഉൾപ്പെടെ പിടിച്ചെടുക്കുമെന്നും നിയമനടപടികൾ സ്വീകരിക്കുമെന്നും അദ്ദേഹം പറഞ്ഞു. വാഹനപരിശോധന കർശനമാക്കാൻ നിർദേശം നൽകിയിട്ടുണ്ടെന്നും അദ്ദേഹം വിശദീകരിച്ചു.