ആലപ്പുഴ: സ്വന്തമായി വീടെന്ന സാധാരണക്കാരന്‍റെ സ്വപ്‌നം യാഥാർഥ്യമാക്കാൻ ലൈഫ് പദ്ധതിയിലൂടെ സാധിച്ചുവെന്ന് ജില്ലാ പഞ്ചായത്ത് പ്രസിഡന്‍റ് ജി വേണുഗോപാൽ. സംസ്ഥാന സര്‍ക്കാരിന്‍റെ സമ്പൂര്‍ണ്ണ പാര്‍പ്പിട മിഷനായ ലൈഫ് പദ്ധതിയിൽ രണ്ടു ലക്ഷം വീടുകള്‍ പൂര്‍ത്തീകരിക്കുന്നതുമായി ബന്ധപ്പെട്ട പ്രഖ്യാപനത്തിനു മുന്നോടിയായി അമ്പലപ്പുഴ ബ്ലോക്ക്‌ തല കുടുംബ സംഗമം ഉദ്ഘാടനം ചെയ്‌ത് സംസാരിക്കുകയായിരുന്നു അദ്ദേഹം. സംസ്ഥാനത്തെ വീടില്ലാത്ത രണ്ടു ലക്ഷം ആളുകൾക്ക് വീട് നൽകുന്നു എന്നത് ചെറിയ കാര്യമല്ല. ജില്ലയിൽ 13767 പേർക്ക് വീടുകൾ നൽകുന്നു. ഇതിന്‍റെ ജില്ലാതല പ്രഖ്യപനം 18 ന് നിർവഹിക്കുമെന്നും ഉദ്ഘാടന പ്രസംഗത്തിൽ അദ്ദേഹം പറഞ്ഞു.
വീട് എന്ന സാധാരണക്കാരന്‍റെ സ്വപ്‌നം യാഥാർഥ്യമാക്കാൻ ലൈഫ് പദ്ധതിയിലൂടെ സാധിച്ചു : ജി വേണുഗോപാൽ