ആലപ്പുഴ: ഓർത്തഡോക്‌സ്-യാക്കോബായ സഭാതർക്കം നിലനിൽക്കുന്ന കട്ടച്ചിറ സെന്‍റ് മേരീസ് പള്ളിയില്‍ പ്രശ്‌നപരിഹാരത്തിന് ശ്രമങ്ങള്‍ തുടരുന്നു. പ്രശ്‌നങ്ങള്‍ രമ്യമായി പരിഹരിക്കാൻ വിശ്വാസികൾ സഹകരിക്കണമെന്ന് ജില്ലാ കലക്ടർ ഡോ. അദീല അബ്ദുള്ള പറഞ്ഞു. യാക്കോബായ സഭാ നേതൃത്വവുമായി ചർച്ച നടത്തിയ ശേഷം മാധ്യമങ്ങളോട് പ്രതികരിക്കുകയായിരുന്നു ജില്ലാ കലക്ടര്‍. കട്ടച്ചിറ പള്ളിയിലേത് എളുപ്പത്തിൽ പരിഹരിക്കാൻ കഴിയുന്ന പ്രശ്‌നമല്ല. അത് രമ്യമായി പരിഹരിക്കാനാണ് ജില്ലാ ഭരണകൂടം ശ്രമിക്കുന്നത്. ഇരുവിഭാഗത്തിൽപ്പെടുന്ന വിശ്വാസ സമൂഹത്തിന്‍റെ പിന്തുണയും സഹകരണവും അനിവാര്യമാണെന്നും അവർ കൂട്ടിച്ചേർത്തു.
കട്ടച്ചിറ പള്ളി പ്രശ്നം പരിഹരിക്കാൻ വിശ്വാസികൾ സഹകരിക്കണം: കലക്ടർ അദീല അബ്ദുള്ള