ആലപ്പുഴ: കേരളത്തെ സംബന്ധിച്ചിടത്തോളം അഭിമാനകരമായ നേട്ടമാണ് കാർത്ത്യായനിയമ്മ സമ്മാനിച്ചതെന്ന് മുഖ്യമന്ത്രി പിണറായി വിജയൻ. കാർത്ത്യായനിയമ്മയെ പോലുള്ള തളരാത്ത മനുഷ്യർ സമ്മാനിക്കുന്ന ഊർജവും ഉത്സാഹവുമാണ് നമ്മുടെ നാടിനെ മുന്നോട്ട് നയിക്കുന്നതെന്നും കാർത്ത്യായനിയമ്മ മഹത്തായ മാതൃകയാണെന്നും അദ്ദേഹം പറഞ്ഞു.
നാരീശക്തി പുരസ്കാരം: കാർത്ത്യായനിയമ്മ മഹത്തായ മാതൃകയെന്ന് മുഖ്യമന്ത്രി
നാരീശക്തി പുരസ്കാരം ഏറ്റുവാങ്ങിയ കാർത്ത്യായനിയമ്മയുമായി സംസാരിച്ച ശേഷമായിരുന്നു മുഖ്യമന്ത്രിയുടെ പ്രതികരണം. ബഹുമതി അർഹതയ്ക്കുള്ള അംഗീകാരമാണെന്ന് മുഖ്യമന്ത്രി പറഞ്ഞു. മന്ത്രി എം.എം. മണിയെയും കാർത്ത്യായനിയമ്മ കണ്ടു. സാക്ഷരതാ മിഷൻ ഡയറക്ടർ ഡോ. പി.എസ്. ശ്രീകലക്കൊപ്പമെത്തിയാണ് കാർത്ത്യായനിയമ്മ മന്ത്രിമാരുമായി കൂടികഴ്‌ച നടത്തിയത്.