ആലപ്പുഴ: 'ഇതേ ഉള്ളൂ സാറേ എന്‍റെ കൈയില്‍ ' പറയുന്നത് പഠനത്തിന് പ്രായമില്ലെന്ന് തെളിയിച്ച്, നാരീശക്തി പുരസ്‌കാരം നേടിയ കേരളത്തിന്‍റെ സ്വന്തം അക്ഷര മുത്തശ്ശിയാണ്. കേട്ടപ്പോൾ തന്നെ മന്ത്രി എ.സി.മൊയ്‌തീന്‍റെ മറുപടിയെത്തി, തുകയല്ല, അത് നല്‍കുന്ന വലിയ മനസാണ് പ്രധാനം. മുഖ്യമന്ത്രിയുടെ ദുരിതാശ്വാസ നിധിയിലേക്ക് ഹരിപ്പാട് മുട്ടത്തെ കാര്‍ത്ത്യായനിയമ്മ നല്‍കുന്ന സഹായം ഏറ്റുവാങ്ങാന്‍ മന്ത്രി എത്തിയപ്പോഴുള്ള കാഴ്‌ച ഇതായിരുന്നു. തനിക്ക് ലഭിച്ച രണ്ട് മാസത്തെ വാര്‍ധക്യകാല പെന്‍ഷന്‍ തുകയായ 3,000 രൂപയാണ് കാര്‍ത്ത്യായനിയമ്മ ദുരിതാശ്വാസ നിധിയിലേക്ക് നല്‍കിയത്.
കൊവിഡില്‍ കേരളത്തിന് കൈത്താങ്ങായി അക്ഷരമുത്തശ്ശിയും