ആലപ്പുഴ: പുന്നപ്രയിൽ ഗുരുതരാവസ്ഥയിലുള്ള കൊവിഡ് രോഗിയെ ആശുപത്രിയിലേക്ക് മാറ്റിയത് ഇരുചക്രവാഹനത്തിൽ. ഇതുമായി ബന്ധപ്പെട്ട ദൃശ്യങ്ങൾ പുറത്ത് വന്നു. പുന്നപ്രയിലെ ഫസ്റ്റ് ലൈൻ ട്രീറ്റ്‌മെന്‍റ് സെന്‍ററിൽ നിന്നാണ് ഗുരുതരാവസ്ഥയിലുള്ള രോഗിയെ വണ്ടാനം മെഡിക്കൽ കോളജ് ആശുപത്രിയിലേക്ക് മാറ്റിയത്. ആംബുലൻസ് ലഭിക്കാതിരുന്ന തുടർന്നാണ് ബൈക്കിൽ കൊണ്ടുപോയതെന്നും രോഗിയുടെ ജീവൻ രക്ഷിക്കാൻ വേണ്ടിയാണ് തങ്ങൾ ഇത്തരത്തിൽ ഒരു ഇടപെടൽ നടത്തിയതെന്നുമാണ് വിഷയത്തിൽ സന്നദ്ധ പ്രവർത്തകരുടെ വിശദീകരണം.
കൊവിഡ് രോഗിയെ ആശുപത്രിയിൽ എത്തിച്ചത് ഇരുചക്രവാഹനത്തിൽ