പിഎസ്‌സി ജീവനക്കാരന് പൊലീസ് മർദ്ദനം; പല്ല് പോയെന്ന് പരാതി

കണ്ണിനും ശരീരത്തിനും പരിക്കുകൾ ഏൽക്കുകയും മുൻ നിരയിലെ പല്ല് പോവുകയും ചെയ്ത രമേശ് ചികിത്സയിലാണ്.

ആലപ്പുഴ: പിഎസ്‌സി ജീവനക്കാരന് പൊലീസ് മർദ്ദനമെന്ന് പരാതി. ചേർത്തല പൂത്തോട്ട പാലത്തിന് സമീപം ശനിയാഴ്ച്ചയായിരുന്നു സംഭവം. പിഎസ്‌സി ജീവനക്കാരനായ രമേശിനെ അകാരണമായി പൊലീസ് മർദിക്കുകയും ഭീഷണിപ്പെടുത്തുകയും ചെയ്തതായാണ് പരാതി. പൊലീസ് വാഹനം റോഡരികില്‍ അനധികൃതമായി പാർക്ക്‌ ചെയ്തത് പറഞ്ഞതിനാണ് മർദ്ദനം. കണ്ണിനും ശരീരത്തിനും പരിക്കുകൾ ഏൽക്കുകയും മുൻ നിരയിലെ പല്ല് പോവുകയും ചെയ്ത രമേശ് ചികിത്സയിലാണ്. ജോലി കളയും എന്നും കേസ് കൊടുത്താൽ കുടുംബമായി ജീവിക്കാൻ സമ്മതിക്കില്ലെന്നും പൊലീസ് പറഞ്ഞതായി രമേശിന്‍റെ പരാതിയിൽ പറയുന്നു. വിഷയത്തിൽ പിഎസ്‌സി ചെയർമാൻ ഉൾപ്പെടെയുള്ളവർ ഇടപെട്ടതോടെയാണ് രമേശ് പരാതി നൽകാൻ തീരുമാനിച്ചത്.