ആലപ്പുഴ :ഒ.ബി.സി മോർച്ചയുടെ സംസ്ഥാന സെക്രട്ടറിയും ബിജെപി നേതാവുമായ അഡ്വ. രഞ്ജിത്ത് ശ്രീനിവാസനെ കൊലപ്പെടുത്തിയത് സ്വന്തം വീട്ടിൽ അമ്മയുടെ മുന്നിൽ വച്ച്. പ്രഭാത സവാരിക്ക് ഇറങ്ങാൻ നിൽക്കവേയാണ് രഞ്ജിത്തിനെ ഒരു സംഘം വീട്ടിൽ കയറി വെട്ടിയത്.
11 പേരടങ്ങുന്ന സംഘമാണ് കൊലപാതകത്തിന് പിന്നിലെന്നാണ് ലഭ്യമായ വിവരം. അമ്മയുടെയും രഞ്ജിത്തിന്‍റെയും നിലവിളി കേട്ട് ഓടിയെത്തിയ പ്രദേശവാസികളാണ് രഞ്ജിത്തിനെ ആശുപത്രിയിലേക്ക് എത്തിച്ചത്. അപ്രതീക്ഷിതമായുള്ള ആക്രമണമായത് കൊണ്ട് തന്നെ രക്ഷപെടാൻ സാധിച്ചില്ലെന്നാണ് പ്രദേശവാസികൾ പറയുന്നത്. ആക്രമണം നടന്നയുടൻ തന്നെ രഞ്ജിത്തിനെ ആലപ്പുഴ ജനറൽ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.
രഞ്ജിത്തിന്‍റെ കൊലപാതകം അമ്മയുടെ മുന്നിൽവച്ച്; നടുക്കം മാറാതെ പ്രദേശവാസികൾ