ആലപ്പുഴ :കൊവിഡ് രൂക്ഷമാകുന്നതിനിടെ വിവിധയിടങ്ങളില്‍ അണുനശീകരണവുമായി കര്‍ഷകസംഘം പ്രവര്‍ത്തകര്‍. വാഹനത്തിൽ അണു നശീകരണ സംവിധാനം സജ്ജമാക്കിയാണ് പ്രവർത്തനം. ചേർത്തല താലൂക്ക് തല ഉദ്ഘാടനം മന്ത്രി പി.പ്രസാദ് നിർവഹിച്ചു. നാലാംഘട്ട പ്രവൃത്തിക്കാണ് തുടക്കമായത്. നഗരസഭ വൈസ് ചെയർമാൻ ടി.എസ്.അജയകുമാർ, സ്റ്റാന്‍ഡിങ് കമ്മിറ്റി അധ്യക്ഷ സ്‌മിത സന്തോഷ്, കൗൺസിലർ എസ്.സനീഷ് തുടങ്ങിയവർ പങ്കെടുത്തു. കൊവിഡ് പ്രതിരോധത്തിന് തങ്ങളാൽ കഴിയുന്ന സേവനങ്ങളാണ് നടത്തിവരുന്നതെന്ന് തൊഴിലാളി കർഷകസംഘം പ്രസിഡൻ്റ് ഇ.ഒ.വർഗീസും, സെക്രട്ടറി കെ.വി.ഷീലയും പറഞ്ഞു.
കൊവിഡ് പ്രതിരോധ പ്രവർത്തനങ്ങളിൽ സജീവമായി ആലപ്പുഴ കർഷകസംഘം