ടോക്കിയോ : ഒളിമ്പിക്‌സ് ഗുസ്തിയിൽ ഇന്ത്യ ഇരട്ടമെഡൽ നേട്ടത്തിനരികെ. പുരുഷ വിഭാഗം ഫ്രീസ്റ്റൈൽ 57 കിലോഗ്രാം വിഭാഗത്തിൽ രവി ദഹിയയും 86 കിലോഗ്രാം വിഭാഗത്തിൽ ദീപക് പൂനിയയും തകർപ്പൻ പ്രകടനത്തോടെ സെമിഫൈനലിൽ കടന്നു. ഒരു വിജയം കൂടെ സ്വന്തമാക്കിയാൽ ഇരുവർക്കും മെഡൽ ഉറപ്പിക്കാൻ സാധിക്കും.
86 കിലോഗ്രാം വിഭാഗത്തിൽ ചൈനീസ് താരം സുഷനെ 6–3ന് തോൽപ്പിച്ചാണ് ദീപക് പൂനിയ സെമിഫൈനലിൽ കടന്നത്. ബൾഗേറിയൻ താരം ജോർജി വാലെന്‍റീനോവ് വാംഗെലോവിനെ 14-4ന് തകർത്താണ് രവി ദഹിയ സെമിയിൽ കടന്നത്.