ടോക്കിയോ : ബാഡ്‌മിന്‍റണ്‍ മെഡൽ പ്രതീക്ഷകൾക്ക് തിരിച്ചടി നൽകി ഗ്രൂപ്പ് മത്സരത്തിൽ ഇന്ത്യൻ താരം സായ് പ്രണീതിന് തുടർച്ചയായ രണ്ടാം തോൽവി. രണ്ടാം സിംഗിള്‍സ് മത്സരത്തില്‍ നെതര്‍ലാന്‍ഡ്‌സ് താരം മാര്‍ക് കാല്‍ജോവിനോടാണ് സായ്പ്രണീത് തോറ്റത്. ഇതോടെ താരം സിംഗിൾസ് ഗ്രൂപ്പ് മത്സരങ്ങളിൽ നിന്നും പുറത്തായി.
21-14, 21-14 നാണ് നെതർലാന്‍ഡ് താരം ഇന്ത്യൻ താരത്തെ തോൽപ്പിച്ചത്. ആദ്യ സിംഗിൾസിൽ ഇസ്രയേൽ താരം മിഷ സിൽബെർമാനോടും നേരിട്ടുള്ള സെറ്റുകൾക്ക് സായ് തോൽവി വഴങ്ങിയിരുന്നു. ഈ തോല്‍വികളാണ് താരത്തിന്‍റെ ഒളിമ്പിക്സ് മെഡല്‍ മോഹങ്ങള്‍ക്ക് കനത്ത തിരിച്ചടിയായത്.