ടോക്കിയോ: ഒളിമ്പിക്സുമായി ബന്ധപ്പെട്ട 24 പേര്‍ക്ക് കൂടി കൊവിഡ് സ്ഥിരീകരിച്ചതായി ഒളിമ്പിക് സംഘാടക സമിതി അറിയിച്ചു. രോഗം സ്ഥിരീകരിച്ചവരില്‍ മൂന്ന് വിദേശ അത്ലറ്റുകളും 15 പേര്‍ കരാറുകാരും ആറ് പേര്‍ ഉദ്യോഗസ്ഥരുമാണെന്ന് സംഘാടക സമിതി വ്യക്തമാക്കി.
ഇതോടെ ഒളിമ്പിക്സുമായി ബന്ധപ്പെട്ട് ഇതുവരെ രോഗം സ്ഥിരീകരിച്ചവരുടെ എണ്ണം 193 ആയി ഉയര്‍ന്നു. അതേസമയം ഒളിമ്പിക്സുമായി ബന്ധപ്പെട്ട് ഒരു ദിവസം റിപ്പോര്‍ട്ട് ചെയ്യുന്ന ഏറ്റവും കൂടുതല്‍ കൊവിഡ് കേസുകള്‍ കൂടിയാണിത്.