ടോക്കിയോ : ബോക്‌സിങ്ങില്‍ ഇന്ത്യക്ക് കനത്ത തിരിച്ചടി. വനിതകളുടെ 51 കിലോഗ്രാം വ്യക്തിഗത ബോക്സിങ് പ്രീക്വാർട്ടറിൽ ഇന്ത്യയുടെ സൂപ്പർ താരം മേരി കോമിന് തോൽവി. കൊളംബിയൻ ബോക്‌സർ ഇൻഗ്രിറ്റ് വലൻസിയയുമായുള്ള ഏറ്റുമുട്ടലിൽ 3-2 നായിരുന്നു മേരികോം പരാജയപ്പെട്ടത്. ഇതോടെ താരം ഒളിമ്പിക്‌സിൽ നിന്ന് പുറത്തായി.
ആദ്യ റൗണ്ടില്‍ ലോറെന ആക്രമിച്ചു കളിച്ചതോടെയാണ് ഇന്ത്യന്‍ താരത്തിന് അടിതെറ്റിയത്. ഇഞ്ചോടിഞ്ച് പോരാട്ടം കണ്ട രണ്ടാം റൗണ്ടിലും മൂന്നാം റൗണ്ടിലും മേരി കോം നേരിയ മുന്‍തൂക്കം നേടിയെങ്കിലും വിജയത്തിന് അത് മതിയാകുമായിരുന്നില്ല. ആദ്യ റൗണ്ട് മത്സരഫലം നിര്‍ണയിച്ചതോടെ മേരി കോം തോൽവി വഴങ്ങുകയായിരുന്നു.