ടോക്കിയോ : ഒളിമ്പിക്‌സ് പുരുഷ ഫുട്ബോളിൽ ബ്രസീലിന് മിന്നും ജയം. ഗ്രൂപ്പ് ഡിയിൽ സൗദി അറേബ്യക്കെതിരെ ഒന്നിനെതിരെ മൂന്ന് ഗോളുകൾക്കാണ് ബ്രസീലിന്‍റെ വിജയം. റിച്ചാര്‍ലിസണ്‍ ഇരട്ടഗോള്‍ നേടി.
14-ാം മിനിറ്റില്‍ മാത്യൂസ് കുന്‍ഹയുടെ ഗോളിലൂടെയാണ് ബ്രസീല്‍ മുന്നിലെത്തിയത്. എന്നാല്‍ 27-ാം ബ്രസീലിനെ ഞെട്ടിച്ച് സൗദി ഗോള്‍ തിരിച്ചടിച്ചു. അല്‍മാരി അബ്ദുള്ളയുടെ വകയായിരുന്നു ഗോള്‍. പിന്നീട് 76-ാം മിനിറ്റിലും ഇഞ്ച്വറി സമയത്തും റിച്ചാര്‍ലിസണ്‍ ഗോള്‍ നേടിയതോടെ ബ്രസീല്‍ വിജയം പൂര്‍ത്തിയാക്കി.