ന്യൂഡൽഹി : 41 വർഷത്തിന് ശേഷം ഒളിമ്പിക്സ് ഹോക്കിയിൽ മെഡൽ നേടിയ ഇന്ത്യൻ ടീമിന് അഭിനന്ദനവുമായി കായികരംഗത്തെ പ്രമുഖർ. കരുത്തരായ ജർമനിക്കെതിരെ 5-4നാണ് ഇന്ത്യ വിജയം സ്വന്തമാക്കിയത്. ഒരവസരത്തിൽ 3-1 ന് പിന്നിട്ടുനിന്ന ശേഷം അവിശ്വസനീയമായ കുതിപ്പ് നടത്തിയാണ് ഇന്ത്യ വെങ്കലത്തിൽ മുത്തമിട്ടത്.
പി.ടി ഉഷ, സച്ചിൻ ടെൻഡുൽക്കർ, വിരേന്ദർ സെവാഗ്, വെങ്കിടേഷ് പ്രസാദ്. വി.വി.എസ് ലക്ഷ്മണ്‍, ഗൗതം ഗംഭീർ, സുനിൽ ഛേത്രി, അഭിനവ് ബിന്ദ്ര, മഹേഷ് ഭൂപതി, വിജേന്ദർ സിങ്, മീരാബായി ചാനു, ഭവാനി ദേവി, സുരേഷ് റെയ്‌ന, ശിഖർ ധവാൻ, ശ്രേയസ് അയ്യർ, ജ്വാല ഗുട്ട തുടങ്ങിയ താരങ്ങൾ സമൂഹമാധ്യമങ്ങളിലൂടെ ഇന്ത്യയുടെ വിജയത്തിൽ അഭിനന്ദനമറിയിച്ചു.
ഇന്ത്യയ്ക്കായി വെങ്കലം നേടിയ ഹോക്കി സംഘത്തിലെ ഓരോ അംഗത്തിനും അഭിനന്ദനങ്ങൾ! അതിശയകരമായ കഠിനമായ പോരാട്ട വിജയം... കളിയുടെ അവസാന നിമിഷങ്ങളിൽ ശ്രീജേഷിന്‍റെ പെനാൽറ്റി കോർണർ സേവ് അത്ഭുതകരമായിരുന്നു. നിങ്ങൾ രാജ്യത്തിന് അഭിമാനമാണ്, സച്ചിൻ ട്വിറ്ററിൽ കുറിച്ചു.