ടോക്കിയോ :ടോക്കിയോ ഒളിമ്പിക്‌സിൽ ഇന്ത്യൻ മെഡൽ പ്രതീക്ഷയുമായി 69-75 കിലോ മിഡിൽ വെയ്‌റ്റ് ബോക്‌സിങ്ങിൽ പൂജാറാണിക്ക് വിജയം. പ്രീ ക്വാർട്ടർ പോരാട്ടത്തിൽ അൾജീരിയയുടെ ഐചർക്ക് ചായിബായെ 5-0 നാണ് പൂജ കീഴടക്കിയത്. മൂന്ന് സെറ്റിലും ആധിപത്യം പുലര്‍ത്തിയാണ് അള്‍ജീരിയന്‍ താരത്തിനെതിരെ പൂജ വിജയം കൊയ്തത്.
ക്വാർട്ടർ ഫൈനലിൽ വിജയിച്ചാൽ പൂജയ്ക്ക് മെഡൽ ഉറപ്പിക്കാനാകും. ക്വാർട്ടർ ഫൈനലിൽ ഇടം നേടുന്ന മൂന്നാമത്തെ ഇന്ത്യൻ താരമാണ് പൂജാറാണി. നേരത്തേ മേരി കോമും ലോവ്‌ലിന ബോര്‍ഗോഹൈനും ക്വാർട്ടറിലെത്തിയിരുന്നു.