ടോക്കിയോ:ഒളിമ്പിക്സ് വനിത ഗോൾഫിൽ ഇന്ത്യക്ക് മെഡൽ പ്രതീക്ഷയുമായി അതിഥി അശോക്. വനിതകളുടെ വ്യക്തിഗത സ്ട്രോക്ക് പ്ലേ മൂന്നാം റൗണ്ട് അവസാനിച്ചപ്പോൾ രണ്ടാം സ്ഥാനത്താണ് അതിഥി.
ശനിയാഴ്‌ച നാലാം റൗണ്ട് മത്സരം മാത്രം ബാക്കി നിൽക്കെ ഒളിമ്പിക്‌ ഗോൾഫിൽ ചരിത്രത്തിലാദ്യമായി മെഡൽ നേടുന്ന ഇന്ത്യൻ താരം എന്ന റെക്കോഡാണ് അതിഥിയെ കാത്തിരിക്കുന്നത്. ലക്ഷ്യം പിഴക്കാതെയുള്ള അതിഥിയുടെ ഷോട്ടുകൾ ഒളിമ്പിക്‌സിലെ ഇന്ത്യയുടെ ആദ്യ മെഡലെന്ന ചരിത്ര മുഹൂർത്തത്തിലെത്തിക്കുമോ എന്ന കാത്തിരിപ്പിലാണ് കായിക പ്രേമികൾ.