ലണ്ടന്‍: വിംബിൾഡണില്‍ ക്വാർട്ടർ ഫൈനൽ മത്സരങ്ങള്‍ മുതല്‍ക്ക് 100 ശതമാനം കാണികളെ അനുവദിക്കുമെന്ന് ഇംഗ്ലണ്ട് ലോൺ ടെന്നീസ് ചാമ്പ്യൻഷിപ്പ്(എഇഎൽ‌ടി‌സി) അറിയിച്ചു. പുല്‍ മൈതാനങ്ങളായ സെന്‍റർ കോർട്ടിലും നമ്പര്‍വണ്‍ കോർട്ടിലുമാണ് മത്സരങ്ങള്‍ നടക്കുന്നത്.
14,979 കാണികളെയാണ് സെന്‍റർ കോർട്ടില്‍ പരമാവധി ഉള്‍ക്കൊള്ളാനാവുക. അതേസമയം 12,345ആണ് നമ്പര്‍വണ്‍ കോർട്ടില്‍ ഉള്‍ക്കൊള്ളാനാവുന്ന കാണികളുടെ എണ്ണം. മത്സരം കാണാനെത്തുന്നവര്‍ കൊവിഡ് നെഗറ്റീവ് സര്‍ട്ടിഫിക്കറ്റ് ഹാജറാക്കണമെന്ന് അധികൃതര്‍ അറിയിച്ചു.