ന്യൂയോർക്ക് : യു.എസ് ഓപ്പണിൽ പുരുഷൻമാരുടെ ഡബിൾസിൽ ഇന്ത്യൻ താരം രോഹൻ ബൊപ്പണ്ണ പ്രീക്വാർട്ടറിൽ പുറത്ത്. ബൊപ്പണ്ണ -ഇവാന്‍ ഡോഡിജ് സഖ്യം മൂന്ന് സെറ്റ് നീണ്ടുനിന്ന പോരാട്ടത്തിനൊടുവിൽ രാജീവ് റാം-ജോ സാലിസ്ബറി സഖ്യത്തോടാണ് തോല്‍വി വഴങ്ങിയത്. സ്‌കോര്‍: 7-6, 4-6, 6-7.
രണ്ട് മണിക്കൂറും 30 മിനിട്ടും നീണ്ടുനിന്ന മത്സരത്തിൽ ആദ്യ സെറ്റ് ടൈബ്രേക്കറിലൂടെ ബൊപ്പണ്ണ സഖ്യം സ്വന്തമാക്കിയിരുന്നു. എന്നാൽ ആ മികവ് പിന്നീടുള്ള സെറ്റുകളിൽ ഇരുവർക്കും പുലർത്താനായില്ല. എങ്കിലും ശക്‌തമായ മത്സരം കാഴ്‌ചവെച്ചാണ് സഖ്യം പുറത്തായത്.