ബീജിങ്: മുന്‍ വൈസ് പ്രിമിയറിനെതിരെ ടെന്നീസ് താരം ഉയര്‍ത്തിയ മീടു ആരോപണത്തില്‍ സമൂഹ്യമാധ്യമങ്ങളില്‍ ചര്‍ച്ചയ്‌ക്ക് വിലക്കേര്‍പ്പെടുത്തി ചൈനീസ് സര്‍ക്കാര്‍. മുൻ വൈസ് പ്രീമിയറും പാർട്ടി പൊളിറ്റ് ബ്യൂറോ സ്റ്റാൻഡിങ് കമ്മിറ്റി അംഗവുമായ ഷാങ് ഗൊലിക്കെതിരെയാണ് മുന്‍ ലോക ഒന്നാം നമ്പര്‍ വനിത താരം പെങ് ഷുവായ് ആരോപണമുന്നയിച്ചിരിക്കുന്നത്.
ഷാങ് ഗൊലി ബലം പ്രയോഗിച്ച് ലൈംഗികബന്ധത്തിന് നിര്‍ബന്ധിച്ചിരുന്നുവെന്നാണ് ചൈനീസ് സമൂഹ മാധ്യമമായ വെയ്‌ബോയില്‍ പോസ്റ്റ് ചെയ്‌ത നീണ്ട കുറിപ്പിലൂടെ താരം ആരോപിച്ചത്. മൂന്ന് വര്‍ഷം മുന്നെയാണ് സംഭവം നടന്നതെന്നും ഏഴ് വർഷം മുമ്പ് തങ്ങൾ ഒരിക്കൽ ലൈംഗിക ബന്ധത്തിൽ ഏർപ്പെട്ടിരുന്നുവെന്നും പോസ്റ്റില്‍ താരം വ്യക്തമാക്കിയിരുന്നു.