മെൽബണ്‍: അടുത്തവർഷം നടക്കുന്ന ഓസ്ട്രേലിയൻ ഓപ്പണ്‍ ടൂർണമെന്‍റിൽ നിന്ന് പിൻമാറി സൂപ്പർ താരം സെറീന വില്യംസ്. ആരോഗ്യ പ്രശ്‌നങ്ങൾ കാരണമാണ് ടൂർണമെന്‍റിൽ നിന്ന് താരം പിൻമാറുന്നത്. കണങ്കാലിലെ പരിക്ക് പിടിമുറുക്കിയതിനാൽ ഈ വർഷം വിംബിൾഡണിൽ പങ്കെടുത്തശേഷം മറ്റ് ടൂർണമെന്‍റുകളിൽ സെറീന പങ്കെടുത്തിരുന്നില്ല.
ഇത് എന്നെ സംബന്ധിച്ച് ഏറെ ബുദ്ധിമുട്ടുള്ളൊരു തീരുമാനമാണ്. ശാരീരികമായ ബുദ്ധിമുട്ടുകൾ കാരണം ഓസ്ട്രേലിയൻ ഓപ്പണിൽ നിന്ന് ഞാൻ പിൻമാറുകയാണ്. എന്‍റെ ഏറ്റവും പ്രിയപ്പെട്ട നഗരങ്ങളിലൊന്നാണ് മെൽബണ്‍. എന്‍റെ ആരാധകരേയും മെൽബണ്‍ നഗരത്തേയും ഞാൻ ഏറെയധികം മിസ് ചെയ്യും. എന്നാൽ ഞാൻ വളരെശക്തിയോടെത്തന്നെ തിരിച്ചുവരും, സെറീന പറഞ്ഞു.