ലണ്ടൻ: വിംബിൾഡണിനിടെ ആരാധകരുടെ മനം കവര്‍ന്ന് സാനിയ മിർസയുടെ മകൻ ഇസ്ഹാനും. പുല്‍ മൈതാനത്ത് മിക്സ്ഡ് ഡബിൾസിൽ രോഹൻ ബൊപ്പണ്ണയ്ക്കൊപ്പം സാനിയ വിജയം നേടിയതിന് പിന്നാലെയാണ് രണ്ടുവയസുകാരനായ ഇസ്ഹാനും കാണികളുടെ കയ്യടിനേടിയത്.
ബ്രിട്ടീഷ് ജോഡികളായ മക്ഹ്യൂഗ്-വെബ്ലി സ്മിത്തി സഖ്യത്തിനെതിരായ വിജയത്തിന് പിന്നാലെ ഇസ്ഹാനുമായി സാനിയ കോർട്ടിലെത്തിയിരുന്നു. ഇതിനിടെ ബൊപ്പണ്ണയ്ക്ക് ഹൈ ഫൈവ് നൽകിയ ഇസ്ഹാനായി കാണികൾ കൈയ്യടിക്കുകയും ആര്‍പ്പ് വിളിക്കുകയും ചെയ്തു. തുടര്‍ന്ന് ആരാധകരുടെ സ്നേഹത്തിന് നന്ദി പറഞ്ഞാണ് ഇരുവരും കളിക്കളം വിട്ടത്.